Бриош лепчиња (намирници) :: Домато.mk :: Онлајн гурмански маркет за добра храна и фино живеење

Бриош лепчиња (намирници)

750 ден.

Замислете вкус, пола солен, пола сладок… Мека и воздушеста текстура, и златна и крцкава кора.

Ако веќе ви надојде апетитот, сфативте дека станува збор за Пан Бриош, мазни и меки лепчиња од француската кулинарска традиција. Датира од средниот век, а станал познат во аристократските кругови благодарејќи на кралицата Марија Антониета, која го обожавала во комбинација со слатки кремови и мармалади, но и во солена верзија со димен лосос, паштети и зеленчук.

Потребни состојки за 12 лепчиња:

240 мл млако млеко (35-40°C)
7гр сув квасец
2 лажици шеќер (одделно може да купите тука)
450гр брашно
1 лажичка сол (одделно може да ја купите тука)
60гр омекнат путер
1 јајце (изматено)
Семиња по избор (сончоглед, бел сусам, црн сусам, афион, ким, и крупна сол)

Постапка:

 Млекото се загрева кратко да стане млако. Се додаваат квасецот и
шеќерот, се промешуваат и се оставаат 5 мин да се активира квасецот.
 Во длабок сад се мешаат со жица брашното и солта за подеднакво да
се распоредат.
 Се замесува меко тестото така што во млекото се додава постепено
брашното. Откако ќе се соединат се додаваат путерот и јајцето. Тестото
се меси минимум 10 минути додека не се добие мазна топка.
 Доколку има потреба при месење се додава брашно, минимално
потребно за да може да се работи со него но не треба да се претера за да
не се наруши хидрацијата.
 Тестото се остава да кисне најмалку 1 час на топло место и покриено со
фолија или крпа.
 Од нараснатото тесто се формираат 12 топчиња од по 75-80гр, се
распоредуваат во правоаголно тавче обложено со хартија/масло и се
оставаат да нараснат уште 30ина минути покриени со намрсена фолија
или хартија. Ако не се покријат ќе се засушат.
 Рерната се загрева на 190°C, a за тоа време лепчињата се премачкуваат
со јајце и се наросуваат со семиња по избор.
 Се печат 25-30мин, додека не заруменат.