Божиќни колачиња (намирници) :: Домато.mk :: Онлајн гурмански маркет за добра храна и фино живеење

Божиќни колачиња (намирници)

890 ден.

Оваа здрава варијнта на божиќни колачиња е одлична закуска за празничните денови, чија подготовка ќе биде забавна активност за целото семејство.

Освен што е основна потреба, храната е и начин на комуникација, грижа и прослава на заедничкото време со семејството. Вклучувањето на најмалите во самото готвење многу позитивно влијае на нивното емотивно здравје, нивните навики во иднина и во вакви моменти создаваат најрани спомени.

Потребни состојки:

* 60 гр несолен путер на собна температура
* 2 јајца
* 5 чаши брашно Alce Nero (1 чаша е 120-140 гр)
* 1 чаша нерафиниран шеќер Alce Nero
* 2 супени лажици мед (можете да го нарачате одделно тука)
* 2 лажици густин (опционално)
* 2 лажички цимет
* 2 лажички ѓумбир во прав
* 1 лажичка ванила екстракт (опционално)

Постапка:

Во длабок сад ги матите путерот и шеќерот и кога се соединети го додавате медот. Следно ги додавате јајцата и густинот, па постепено го додавате брашното и зачините. На крај смесата ја формирате во 2-3 топчиња, кои ги рассукувате помеѓу 2 слоја хартија за печење во дебелина од половина цм. Правите форми и ставате да се печат во загреана рерна на 180 степени околу 15 мин. Кога колачињата ќе се оладат можете да ги издекорирате со темно чоколадо. Траат неколку денови и стануваат се помеки и повкусни.

Божиќни колачиња (намирници) се состои од:

Наименување	Намирници за подготовка на божиќни колачиња
Количина	за 2 дози
Нутритивна вредност во	1 доза
Енергетска вредност	3700 Kcal
Јаглехидрати	710 гр
од кои шеќери	229 гр
Протеини	77 гр
Масти	64 гр
од кои заситени	34 гр
Влакна	19 гр